૯. પરિપાચિતસિક્ખાપદવણ્ણના

૧૯૨. ચેટકેતિ દારકે. તરુણપોતકેતિ પોરાણા. ‘‘પાપભિક્ખૂનં પક્ખુપચ્છેદાય ઇદં પઞ્ઞત્તં, તસ્મા પઞ્ચ ભોજનેયેવાપત્તિ વુત્તા’’તિ લિખિતં.

૧૯૪-૭. નિપ્ફાદિતન્તિ વિઞ્ઞત્તિયા ન હોતિ, કિન્તુ પરિકથાદીહિ, તસ્મા ઇમિના સિક્ખાપદેન અનાપત્તિ, તં સન્ધાય ‘‘સબ્બત્થ અનાપત્તી’’તિ વુત્તં. ‘‘કથાનુસારેન તત્થ પસીદિત્વા દેન્તિ, ઇદં પરિપાચિતં ન હોતિ, વટ્ટન્તી’’તિ પઠમસિક્ખાપદે વુત્તત્તાતિ ધમ્મસિરિત્થેરો, ઉપતિસ્સત્થેરો પન ‘‘ઇતરમ્પિ વટ્ટતિયેવા’’તિ આહ. પોરાણગણ્ઠિપદે પન ‘‘યસ્મા દેવદત્તો પકતિયા તત્થ ભિક્ખુનિપરિપાચિતં ભુઞ્જતિ, તસ્મા ઇમં અટ્ઠુપ્પત્તિં નિદાનં કત્વા ઇદં સિક્ખાપદં પઞ્ઞત્ત’’ન્તિ વુત્તં.

પરિપાચિતસિક્ખાપદવણ્ણના નિટ્ઠિતા.