૧૦. તથસુત્તવણ્ણના

૧૦૯૦. સભાવાવિજહનટ્ઠેનાતિ અત્તનો દુક્ખસભાવસ્સ કદાચિપિ અપરિચ્ચજનેન તથસભાવં. તેનાહ ‘‘દુક્ખઞ્હિ દુક્ખમેવ વુત્ત’’ન્તિ. સભાવસ્સાતિ દુક્ખસભાવસ્સ. અમોઘતાયાતિ અવઞ્ઝતાય. અવિતથન્તિ ન વિતથં. તેનાહ ‘‘ન હિ દુક્ખં અદુક્ખં નામ હોતી’’તિ. અઞ્ઞભાવાનુપગમેનાતિ સમુદયાદિસભાવાનુપગમનેન મુસા ન હોતીતિ અઞ્ઞો અઞ્ઞથા ન હોતીતિ અનઞ્ઞથં. તેનાહ ‘‘ન હી’’તિઆદિ.

ધમ્મચક્કપ્પવત્તનવગ્ગવણ્ણના નિટ્ઠિતા.