૪. અગારસુત્તવણ્ણના

૨૬૨. પુરત્થિમાતિ વિભત્તિલોપેન નિદ્દેસો, નિસ્સક્કે વા એતં પચ્ચત્તવચનં. પઠમજ્ઝાનાદિવસેનાતિ પઠમદુતિયજ્ઝાનવસેન. અનુસ્સતિવસેનાતિ નિદસ્સનમત્તં અઞ્ઞસ્સપિ ઉપચારજ્ઝાનગ્ગહિતસ્સ સવિતક્કચારસ્સ નિરામિસસ્સ સુખસ્સ લબ્ભનતો. તસ્સપિ વા પઠમજ્ઝાનાદીતિ એત્થ આદિ-સદ્દેન સઙ્ગહો દટ્ઠબ્બો. કામહેતુ દુક્ખપ્પત્તાનં દુક્ખવેદના કામામિસેન સામિસા વેદના. અનુત્તરવિમોક્ખા નામ અરહત્તફલં. ‘‘કુદાસ્સુ નામાહં તદાયતનં ઉપસમ્પજ્જ વિહરિસ્સામી’’તિ એવં પિહં ઉપટ્ઠાપયતો તસ્મિં અનિજ્ઝમાને પિહપ્પચ્ચયા ઉપ્પન્નદોમનસ્સવેદના. નેક્ખમ્મનિસ્સિતા ઉપેક્ખાવેદના નિરામિસા અદુક્ખમસુખા નામ. સવિસેસં પન દસ્સેતું ‘‘ચતુત્થજ્ઝાનવસેન ઉપ્પન્ના અદુક્ખમસુખવેદના’’તિ વુત્તં.

અગારસુત્તવણ્ણના નિટ્ઠિતા.