૧. સમાધિમૂલકસમાપત્તિસુત્તવણ્ણના

૬૬૨. સમાધિકુસલોતિ સમાધિસ્મિં કુસલો. તયિદં સમાધિકોસલ્લત્તં સહ ઝાનઙ્ગયોગેન ચતુબ્બિધો ઝાનસમાધિ, તસ્મા તં તં વિભાગં જાનન્તસ્સ સિદ્ધં હોતીતિ આહ – ‘‘પઠમં ઝાન’’ન્તિઆદિ. તત્થ વિતક્કવિચારપીતિસુખેકગ્ગતાવસેન પઠમં પઞ્ચઙ્ગિકં, પીતિસુખેકગ્ગતાવસેન દુતિયં તિવઙ્ગિકં, સુખેકગ્ગતાવસેન તતિયં દુવઙ્ગિકં, ઉપેક્ખેકગ્ગતાવસેન ચતુત્થં દુવઙ્ગિકમેવાતિ એવં તસ્મિં તસ્મિં ઝાને તંતંઅઙ્ગાનં વવત્થાને કુસલો. સમાપત્તિકુસલોતિ સમાપજ્જને કુસલો. હાસેત્વાતિ તોસેત્વા. કલ્લં કત્વાતિ સમાધાનસ્સ પટિપક્ખધમ્માનં દૂરીકરણેન સહકારીકારણઞ્ચ સમાધાનેન સમાપજ્જને ચિત્તં સમત્થં કત્વા. સેસપદાનીતિ સેસા તયો કોટ્ઠાસા. તતિયાદીસુ નયેસુ અકુસલોપિ ઝાનત્થાય પટિપન્નત્તા ‘‘ઝાયીતેવા’’તિ વુત્તો.

સમાધિમૂલકસમાપત્તિસુત્તવણ્ણના નિટ્ઠિતા.