૨. પુપ્ફસુત્તવણ્ણના

૯૪. વિવદતીતિ વિવાદં કરોતિ. વદન્તોતિ અયથાસભાવેન વદન્તો. વિવદતિ ધમ્મતાય વિરુદ્ધં કત્વા વદતિ. લોકધમ્મોતિ લુજ્જનસભાવધમ્મો. કો પન સોતિ આહ ‘‘ખન્ધપઞ્ચક’’ન્તિ. તેનાહ ‘‘તં હી’’તિઆદિ. કથં કરોમીતિ કેન પકારેનાહં બાલં અજાનન્તં કરોમિ. તેનાહ ‘‘મય્હં હી’’તિઆદિ. તથા ચાહ ‘‘અક્ખાતો વો મયા મગ્ગો’’તિઆદિ (ધ. પ. ૨૭૫). ‘‘તયો લોકા કથિતા’’તિ વત્વા તં વિવરિતું ‘‘નાહં, ભિક્ખવે’’તિઆદિમાહ.

પુપ્ફસુત્તવણ્ણના નિટ્ઠિતા.