૩. કુલસુત્તવણ્ણના

૨૨૫. વિધંસયન્તિ વિહેઠયન્તિ. વડ્ઢિતાતિ ભાવનાપારિપૂરિવસેન પરિબ્રૂહિતા. પુનપ્પુનં કતાતિ ભાવનાય બહુલીકરણેન અપરાપરં પવત્તિતા યુત્તયાનં વિય કતાતિ યથા યુત્તં આજઞ્ઞરથં છેકેન સારથિના અધિટ્ઠિતં યથારુચિ પવત્તતિ, એવં યથારુચિ પવત્તિયા ગમિતા. પતિટ્ઠાનટ્ઠેનાતિ અધિટ્ઠાનટ્ઠેન. વત્થુ વિય કતા સબ્બસો ઉપક્કિલેસવિસોધનેન સુવિસોધિતમરિયાદં વિય કતા. અધિટ્ઠિતાતિ પટિપક્ખદૂરીભાવતો સુભાવિતભાવેન અવિકમ્પનેય્યતાય ઠપિતા. સમન્તતો ચિતાતિ સબ્બભાગેન ભાવનૂપચયં ગમિતા. તેનાહ ‘‘સુવડ્ઢિતા’’તિ. સુટ્ઠુ સમારદ્ધાતિ મેત્તાભાવનાય મત્થકપ્પત્તિયા સમ્મદેવ સમ્પાદિતા.

કુલસુત્તવણ્ણના નિટ્ઠિતા.