૭. વિસાખસુત્તવણ્ણના

૨૪૧. પુરસ્સ એસાતિ પોરી, ચાતુરિયયુત્તતા. તેનાહ ‘‘પુરવાસીન’’ન્તિઆદિ. સા પન દુતવિલમ્બિતખલિતવસેન અપ્પસન્નલૂખતાદિદોસરહિતા હોતીતિ આહ ‘‘પુર…પે… વાચાયા’’તિ. અસન્દિદ્ધાયાતિ મુત્તવાચાય. તેનાહ ‘‘અપલિબુદ્ધાયા’’તિઆદિ. ન એલં દોસં ગલેતીતિ અનેલગલા, અવિરુજ્ઝનવાચા. તેનાહ ‘‘નિદ્દોસાયા’’તિ. ચતુસચ્ચસ્સ પકાસકા, ન કદાચિ સચ્ચવિમુત્તાતિ આહ ‘‘ચતુસચ્ચપરિયાપન્નાયા’’તિ. તા હિ ચત્તારિ સચ્ચાનિ પરિચ્છિજ્જ આપાદેન્તિ પટિપાદેન્તિ પવત્તેન્તિ. તેનાહ ‘‘ચત્તારિ સચ્ચાનિ અમુઞ્ચિત્વા પવત્તાયા’’તિ. ધજો નામ સબ્બધમ્મેહિ સમુસ્સિતટ્ઠેન.

વિસાખસુત્તવણ્ણના નિટ્ઠિતા.