૩. ઘટસુત્તવણ્ણના

૨૩૭. પરિવેણગ્ગેનાતિ પરિવેણભાગેન. કેચિ ‘‘એકવિહારેતિ એકચ્છન્ને એકસ્મિં આવાસે’’તિ વદન્તિ. તેતિ તે દ્વેપિ થેરા. પાટિયેક્કેસુ ઠાનેસૂતિ વિસું વિસું ઠાનેસુ. નિસીદન્તીતિ દિવાવિહારં નિસીદન્તિ. ઓળારિકો નામ જાતો પરિત્તધમ્મારમ્મણત્તા તસ્સ. તેતિ થેરો ભગવા ચ.

પરિપુણ્ણવીરિયોતિ ચતુકિચ્ચસાધનવસેન સમ્પુણ્ણવીરિયો. પગ્ગહિતવીરિયોતિ ઈસકમ્પિ સઙ્કોચં અનાપજ્જિત્વા પવત્તિતવીરિયો. ઉપનિક્ખેપનમત્તસ્સેવાતિ સમીપે ઠપનમત્તસ્સેવ.

ચતુભૂમકધમ્મેસુ લબ્ભમાનત્તા પઞ્ઞાય ‘‘ચતુભૂમકધમ્મે અનુપવિસિત્વા ઠિતટ્ઠેના’’તિ વુત્તં. લક્ખિતબ્બટ્ઠેન સમાધિ એવ સમાધિલક્ખણં. એવં વિપસ્સનાલક્ખણં વેદિતબ્બં. અઞ્ઞમઞ્ઞસ્સાતિ અઞ્ઞસ્સ અઞ્ઞસ્સ નાનાલક્ખણાતિ વેદિતબ્બં. અઞ્ઞસ્સાતિ ઇતરસ્સ. ધુરન્તિ વહિતબ્બભારં. દ્વીસુપિ એતેસૂતિ સમાધિલક્ખણવિપસ્સનાલક્ખણેસુ સમ્માસમ્બુદ્ધો નિપ્ફત્તિં ગતો.

ઘટસુત્તવણ્ણના નિટ્ઠિતા.