૭. સુદ્ધિકસુત્તવણ્ણના

૧૯૩. સુદ્ધિકપઞ્હસ્સાતિ ‘‘નાબ્રાહ્મણો સુજ્ઝતી’’તિ એવં સુદ્ધસન્નિસ્સિતસ્સ પઞ્હસ્સ. સીલસમ્પન્નોતિ પઞ્ચવિધનિયમલક્ખણેન સીલેન સમન્નાગતો. તપોકમ્મન્તિ અનસનપઞ્ચાતપતપ્પનાદિપરિભેદનતપોકમ્મં કરોન્તોપિ. વિજ્જાતિ તયો વેદાતિ વદન્તિ ‘‘તાય ઇધલોકત્થં પરલોકત્થં ઞાયન્તી’’તિ કત્વા. ગોત્તચરણન્તિ ગોત્તસઙ્ખાતં ચરણં. બ્રાહ્મણો સુજ્ઝતિ જેટ્ઠજાતિકત્તા. તથા હિ સો એવ તપં આચરિતું લભતિ, ન ઇતરો. અઞ્ઞા લામિકા પજાતિ ઇતરવણ્ણં વદતિ. વચનસહસ્સમ્પીતિ ગાથાનેકસહસ્સમ્પિ. અન્તો કિલેસેહિ પૂતિકો સભાવેન પૂતિકો. કિલિટ્ઠેહિ કાયકમ્માદીહિ કાયદુચ્ચરિતાદીહિ.

સુદ્ધિકસુત્તવણ્ણના નિટ્ઠિતા.