૩. સકલિકસુત્તવણ્ણના

૧૪૯. મન્દભાવેનાતિ જળભાવેન મોમૂહભાવેનાતિ મહામૂળ્હતાય. કબ્બકરણેન મત્તોતિ કબ્બકિરિયાપસુતતાદિવસેન મત્તો કબ્બં કત્વા. કિમિદં સોપ્પસેવાતિ ઇદં તવ સોપ્પં કિમત્થં, પુરિસેન નામ પુરિસત્તકરેન ભવિતબ્બં, ન સોપ્પતિયેવ. અત્થં સમાગન્ત્વાતિ પરમત્થં નિબ્બાનં સમ્મા આગન્ત્વા અધિગન્ત્વા. અસઙ્ગ…પે… નત્થિ સબ્બસો સિદ્ધત્થભાવતો. જગ્ગન્તોતિ જાગરન્તો પુરિસો વિય, ન ભાયામિ ભયહેતૂનં અભાવા. નાનુતપન્તિ સબ્બત્થ સબ્બદાપિ વિસ્સટ્ઠભાવતો, મામન્તિ મમં. ગાથાસુખત્થઞ્હિ દીઘં કત્વા વુત્તં. ઠિતત્તાતિ ઉદ્દેસપરિપુચ્છાય પરિચ્છિજ્જત્તા. હાનિન્તિ કસ્સચિ જાનિં.

સકલિકસુત્તવણ્ણના નિટ્ઠિતા.