૭. બુદ્ધવન્દનાસુત્તવણ્ણના

૨૬૩. ઉટ્ઠહાતિ ઉટ્ઠાનં કાયિકવીરિયં કરોહિ. તેનાહ ‘‘વિચર, લોકે’’તિ. ચેતસિકવીરિયં પન ભગવતા મત્થકં પાપિતમેવ. તેનાહ ‘‘વિજિતસઙ્ગામા’’તિ. દ્વાદસયોજનિકસ્સ ઉચ્ચભાવેન. વિત્થારતો પન આયામતો ચ અનેકયોજનસતસહસ્સપરિમાણચક્કવાળં અતિબ્યાપેત્વા ઠિતસ્સ. પન્નભારાતિ પાતિતભાર. નિક્ખેપિતબ્બતો ભારાતિ આહ ‘‘ઓરોપિતખન્ધા’’તિઆદિ. તે હિ તંસમઙ્ગિનો પુગ્ગલસ્સ સમ્પાતનટ્ઠેન ભારા નામ. વુત્તઞ્હેતં ‘‘ભારા હવે પઞ્ચક્ખન્ધા’’તિ (સં. નિ. ૩.૨૨). તદેકદેસા ચ કિલેસાભિસઙ્ખારા. પન્નરસાય પુણ્ણમાય રત્તિન્તિ યથા પન્નરસપુણ્ણમાય રત્તિયં પરિપુણ્ણકાલે ઉપક્કિલેસવિમુત્તો ચન્દો સોભતિ, એવં તવ ચિત્તં સબ્બસો ઉપક્કિલેસવિમુત્તં સોભતીતિ અધિપ્પાયો.

બુદ્ધવન્દનાસુત્તવણ્ણના નિટ્ઠિતા.