૩. અન્નસુત્તવણ્ણના

૪૩. પત્થેન્તીતિ પિહેન્તિ. યત્થસ્સ ઉપગમનં લોકે પાકટતરં અહોસિ, તે ઉદાહરણવસેન દસ્સેન્તો ‘‘ચિત્તગહપતિસીવલિત્થેરાદિકે વિયા’’તિ આહ. અન્નન્તિ અન્નસઞ્ઞિતો ચતુબ્બિધોપિ પચ્ચયો. સબ્બેપિ દાયકે એકજ્ઝં ગહેત્વા સામઞ્ઞતો એકવસેન ‘‘દાયકમેવા’’તિ વુત્તં, યથા ચાહ ‘‘કો નામ સો યક્ખો, યં અન્નં નાભિનન્દતી’’તિ? તત્થ યક્ખોતિ સત્તો. સામઞ્ઞજોતના ચ નામ યસ્મા પુથુઅત્થવિસયા, તસ્મા ‘‘યે નં દદન્તિ સદ્ધાય, વિપ્પસન્નેન ચેતસા. તમેવ અન્નં ભજતી’’તિ વુત્તં. તત્થ મ-કારો પદસન્ધિકરો, તે એવાતિ અત્થો. દાયકં અપરિચ્ચજનમેવ અનુગચ્છતિ ચક્કં વિય કુબ્બરં.

અન્નસુત્તવણ્ણના નિટ્ઠિતા.