૧૦. દુતિયમારકથા

૩૫. મય્હન્તિપદસ્સ ‘‘અનુપ્પત્તા સચ્છિકતા’’તિપદેસુ છટ્ઠીકત્તુભાવં દસ્સેન્તો આહ ‘‘મયા ખોતિ અત્થો’’તિ. ‘‘અથ વા’’તિઆદિના ‘‘મય્હ’’ન્તિપદસ્સ ‘‘યોનિસો મનસિકારા, યોનિસો સમ્મપ્પધાના’’તિપદેસુ સમ્બન્ધભાવં દસ્સેતિ. ‘‘યોનિસો મનસિકારા, યોનિસો સમ્મપ્પધાના’’તિ એત્થ કારણત્થે નિસ્સક્કવચનન્તિ આહ ‘‘તેન હેતુના’’તિ. ‘‘પુના’’તિઆદિના ‘‘મય્હ’’ન્તિપદં ‘‘યોનિસો મનસિકારા, યોનિસો સમ્મપ્પધાના’’તિપદેસુ સામ્યત્થે સામિભાવેન યોજેત્વા પુન ‘‘અનુપ્પત્તા, સચ્છિકતા’’તિ પદેસુ કત્તુત્થે સામિભાવેન વિભત્તિવિપલ્લાસો કાતબ્બોતિ દસ્સેતિ.