૧. પઠમનિસ્સગ્ગિયપાચિત્તિયસિક્ખાપદ-અત્થયોજના

તિંસ નિસ્સગ્ગિયા યે ધમ્મા ભિક્ખુનીનં ભગવતા પકાસિતા, તેસં ધમ્માનં દાનિ ઇમસ્મિં કાલે અયં સંવણ્ણનાક્કમો ભવતીતિ યોજના.

૭૩૩. પઠમે આમત્તિકાપણન્તિ એત્થ આમત્તસદ્દો ભાજનપરિયાયોતિ આહ ‘‘ભાજનાની’’તિ. ભાજનાનિ હિ અમન્તિ પરિભુઞ્જિતબ્બભાવં ગચ્છન્તીતિ ‘‘અમત્તાની’’તિ વુચ્ચન્તિ. અમત્તાનિ વિક્કિણન્તીતિ ‘‘આમત્તિકા’’તિ વચનત્થં દસ્સેન્તો આહ ‘‘તાની’’તિઆદિ. તેસન્તિ આમત્તિકાનં. તં વાતિ આમત્તિકાપણં વા.

૭૩૪. ‘‘સન્નિધિ’’ન્તિ ઇમિના સંનિપુબ્બો ચિસદ્દો ઉચિનનત્થોતિ દસ્સેતિ. હિસદ્દો વિસેસજોતકો. તત્થાતિ મહાવિભઙ્ગે. ઇધાતિ ભિક્ખુનિવિભઙ્ગે.

ઇદમ્પીતિ ઇદં સિક્ખાપદમ્પિ. પિસદ્દો મહાવિભઙ્ગસિક્ખાપદં અપેક્ખતીતિ. પઠમં.