૪. અનાદરિયસિક્ખાપદં

૩૪૨. ચતુત્થે ધમ્મો નામ તન્તિયેવાતિ આહ ‘‘તન્તી’’તિ. પવેણીતિ તસ્સેવ વેવચનં. ‘‘તં વા ન સિક્ખિતુકામો’’તિ એત્થ તંસદ્દસ્સ અત્થમાવિકાતું વુત્તં ‘‘યેન પઞ્ઞત્તેના’’તિ. વિનયે અપઞ્ઞત્તં સન્ધાય વુત્તં ‘‘અપઞ્ઞત્તેના’’તિ આહ ‘‘સુત્તે વા અભિધમ્મે વા આગતેના’’તિ.

૩૪૪. પવેણિયાતિ ઉપાલિઆદિકાય આચરિયપરમ્પરસઙ્ખાતાય તન્તિયા. કુરુન્દિયં વુત્તન્તિ સમ્બન્ધો. મહાપચ્ચરિયં વુત્તન્તિ સમ્બન્ધો. તં સબ્બન્તિ કુરુન્દિવાદમહાપચ્ચરિવાદસઙ્ખાતં સબ્બં તં વચનં. પવેણિયા આગતેતિ પવેણિયા આગતસઙ્ખાતે મહાઅટ્ઠકથાવાદેતિ. ચતુત્થં.

૩૪૫. પઞ્ચમે મનુસ્સવિગ્ગહેતિ મનુસ્સવિગ્ગહપારાજિકેતિ. પઞ્ચમં.