૫. કબળવગ્ગ-અત્થયોજના

૬૧૭. ‘‘મુખદ્વાર’’ન્તિ કમ્મસ્સ ‘‘અનાહટે’’તિ ચ ‘‘વિવરિસ્સામી’’તિ ચ દ્વીસુ કિરિયાસુ સમ્બન્ધભાવં દસ્સેતું વુત્તં ‘‘અનાહરિતે મુખદ્વાર’’ન્તિ.

૬૧૮. સકલં હત્થન્તિ પઞ્ચઙ્ગુલિં સન્ધાય વુત્તં.

૬૧૯. સકબળેનાતિ એત્થ કબળસદ્દેન વચનસ્સ અપરિપુણ્ણકારણં સબ્બમ્પિ ગહેતબ્બં.

૬૨૦. પિણ્ડુક્ખેપકન્તિઆદીસુ વિચ્છત્થે કપચ્ચયોતિ આહ ‘‘પિણ્ડં ઉક્ખિપિત્વા ઉક્ખિપિત્વા’’તિ. ત્વાસદ્દેન કિરિયાવિસેસનભાવં દસ્સેતિ.

૬૨૪. ‘‘અવકિરિત્વા’’તિ ઇમિના સિત્થાવકારકન્તિ એત્થ અવપુબ્બો કિરધાતુયેવ, ન કરધાતૂતિ દસ્સેતિ.

૬૨૬. ‘‘ચપુચપૂ’’તિ એવં સદ્દન્તિ ‘‘ચપુચપૂ’’તિ એવં અનુકરણરવન્તિ. પઞ્ચમો વગ્ગો.