૩. તતિયપાટિદેસનીયસિક્ખાપદં

૫૬૨. તતિયે ‘‘ઉભતો’’તિ એત્થ કરણત્થે તોતિ આહ ‘‘દ્વીહી’’તિ. ‘‘ઉભતોપસન્ન’’ન્તિ બ્યાસોપિ સમાસોપિ યુત્તોયેવ, સમાસે તોપચ્ચયસ્સ અલોપો હોતિ. ‘‘ઉભતો’’તિપદસ્સ સરૂપં દસ્સેતું વુત્તં ‘‘ઉપાસકેનપિ ઉપાસિકાયપી’’તિ. કસ્મા ઉભતો પસન્નં હોતીતિ આહ ‘‘તસ્મિં કિરા’’તિઆદિ. યસ્મા તસ્મિં કુલે…પે… સોતાપન્નાયેવ હોન્તિ કિર, તસ્મા ‘‘ઉભતોપસન્ન’’ન્તિ વુત્તં હોતિ. ‘‘સચેપી’’તિ એત્થ પિસદ્દેન અસીતિકોટિધનતો અધિકમ્પિ સમ્પિણ્ડેતિ. હાયનસ્સ કારણં દસ્સેતિ ‘‘યસ્મા’’તિઆદિના.

૫૬૯. ‘‘ઘરતો નીહરિત્વા’’તિ એત્થ ‘‘નીહરિત્વા’’તિ પદસ્સ કમ્મં દસ્સેતું વુત્તં ‘‘આસનસાલં વા વિહારં વા’’તિ. ‘‘આનેત્વા’’તિઇમિના નીપુબ્બહરધાતુયા અત્થં દસ્સેતિ. દ્વારેતિ અત્તનો ગેહદ્વારેતિ. તતિયં.