૬. દુતિયસહસેય્યસિક્ખાપદં

૫૫. છટ્ઠે આગન્તુકા વસન્તિ એત્થાતિ આવસથો, આવસથો ચ સો અગારઞ્ચેતિ આવસથાગારન્તિ દસ્સેન્તો આહ ‘‘આગન્તુકાનં વસનાગાર’’ન્તિ. મનુસ્સાનં સન્તિકા વચનં સુત્વાતિ વચનસેસો યોજેતબ્બો. સાટકન્તિ ઉત્તરસાટકં, નિવત્થવત્થન્તિપિ વદન્તિ. અચ્ચાગમ્માતિ ત્વાપચ્ચયન્તપદસ્સ સમ્બન્ધં દસ્સેતુમાહ ‘‘પવત્તો’’તિ. યથા ઓમસવાદસિક્ખાપદે અક્કોસેતુકામતાય ખત્તિયં ‘‘ચણ્ડાલો’’તિ વદતો અલિકં ભણતોપિ મુસાવાદસિક્ખાપદેન અનાપત્તિ, ઓમસવાદસિક્ખાપદેનેવ આપત્તિ, એવમિધાપિ માતુગામેન સહ સયતો પઠમસહસેય્યસિક્ખાપદેન અનાપત્તિ, ઇમિનાવ આપત્તીતિ દટ્ઠબ્બન્તિ. છટ્ઠં.