૨. ગરુકાપત્તિનિદ્દેસો

૧૦. મોચેતુકામચિત્તેન, ઉપક્કમ્મ વિમોચયં;

સુક્કમઞ્ઞત્ર સુપિના, સમણો ગરુકં ફુસે.

૧૧. કાયસંસગ્ગરાગેન, મનુસ્સિત્થિં પરામસં;

ઇત્થિસઞ્ઞી ઉપક્કમ્મ, સમણો ગરુકં ફુસે.

૧૨. દુટ્ઠુલ્લવાચસ્સાદેન, મગ્ગં વારબ્ભ મેથુનં;

ઓભાસન્તો મનુસ્સિત્થિં, સુણમાનં ગરું ફુસે.

૧૩. વણ્ણં વત્વાત્તનોકામ-પારિચરિયાય મેથુનં;

ઇત્થિં મેથુનરાગેન, યાચમાનો ગરું ફુસે.

૧૪. સન્દેસં પટિગ્ગણ્હિત્વા, પુરિસસ્સિત્થિયાપિ વા;

વીમંસિત્વા હરંપચ્ચા, સમણો ગરુકં ફુસે.

૧૫. ચાવેતુકામો ચોદેન્તો, અમૂલન્તિમવત્થુના;

ચોદાપયં વા સમણો, સુણમાનં ગરું ફુસે.

૧૬. લેસમત્તં ઉપાદાય, અમૂલન્તિમવત્થુના;

ચાવેતુકામો ચોદેન્તો, સુણમાનં ગરું ફુસેતિ.