૪. રજનનિદ્દેસવણ્ણના

૫૮. મૂલઞ્ચ ખન્ધો ચ તચો ચ પત્તઞ્ચ ફલઞ્ચ પુપ્ફઞ્ચ, તેસં પભેદોતિ છટ્ઠીતપ્પુરિસો. અથ વા પભેદ-સદ્દસ્સ કમ્મસાધનત્તે તાનિયેવ પભેદોતિ કમ્મધારયો, તતો. રજન્તિ એતેહીતિ રજનાનિ, મૂલાદીનિ. ‘‘અનુજાનામિ, ભિક્ખવે, છ રજનાનિ મૂલરજન’’ન્તિઆદિના (મહાવ. ૩૪૪) ભગવતા અનુઞ્ઞાતત્તા વુત્તં ‘‘રજના છપ્પકારાનિ, અનુઞ્ઞાતાનિ સત્થુના’’તિ.

૫૯. મૂલેતિ મૂલરજને હલિદ્દિં વિવજ્જિય સબ્બં લબ્ભન્તિ સમ્બન્ધો. એવં સબ્બત્થ. મઞ્જેટ્ઠિ ચ તુઙ્ગહારકો ચાતિ દ્વન્દો. અલ્લિ-સદ્દેન નીલિ-સદ્દેન ચ તેસં ગચ્છજાતીનં પત્તાનિ ગહિતાનિ ઉપચારેન, તથા લોદ્દ-સદ્દેન કણ્ડુલ-સદ્દેન ચ તચો, કુસુમ્ભ-સદ્દેન કિં સુક-સદ્દેન ચ પુપ્ફાનિ. તેનેવ ચ તાનિ નપુંસકાનિ. તુઙ્ગહારકો નામ એકો કણ્ટકરુક્ખો, તસ્સ હરિતાલવણ્ણં ખન્ધરજનં હોતિ. અલ્લિપત્તેન એકવારં ગિહિપરિભુત્તં રજિતું વટ્ટતિ. ફલરજને સબ્બમ્પિ વટ્ટતિ.

રજનનિદ્દેસવણ્ણના નિટ્ઠિતા.