૫૦. વિપસ્સનાનિદ્દેસો

વિપસ્સનાતિ –

૪૭૧. નામરૂપં પરિગ્ગય્હ, તતો તસ્સ ચ પચ્ચયં;

હુત્વા અભાવતોનિચ્ચા, ઉદયબ્બયપીળના.

૪૭૨. દુક્ખા અવસવત્તિત્તા, અનત્તાતિ તિલક્ખણં;

આરોપેત્વાન સઙ્ખારે, સમ્મસન્તો પુનપ્પુનં;

પાપુણેય્યાનુપુબ્બેન, સબ્બસંયોજનક્ખયન્તિ.

નિગમનકથા

૪૭૩. અધિસીલાધિચિત્તાનં, અધિપઞ્ઞાય સિક્ખના;

ભિક્ખુકિચ્ચમતો ખુદ્દસિક્ખાયં સમુદાહટા.

૪૭૪. મહતો કિત્તિસદ્દસ્સ, યસ્સ લોકવિચારિનો;

પરિસ્સમો ન સમ્ભોતિ, માલુતસ્સેવ નિચ્ચસો.

૪૭૫. તેન ધમ્મસિરીકેન, તમ્બપણ્ણિયકેતુના;

થેરેન રચિતા ધમ્મવિનયઞ્ઞુપસંસિતા.

૪૭૬. એત્તાવતાયં નિટ્ઠાનં, ખુદ્દસિક્ખા ઉપાગતા;

પઞ્ચમત્તેહિ ગાથાનં, સતેહિ પરિમાણતોતિ.

ખુદ્દસિક્ખા નિટ્ઠિતા.

નમો તસ્સ ભગવતો અરહતો સમ્માસમ્બુદ્ધસ્સ