૩૦. વત્તનિદ્દેસો

વત્તન્તિ –

૨૧૩. આગન્તુકો ન આરામં, પવિસે સઉપાહનો;

સછત્તોગુણ્ઠિતો સીસે, કરિત્વા વાપિ ચીવરં.

૨૧૪. પાનીયેન ન ધોવેય્ય, પાદે વુડ્ઢતરેપિ ચ;

આવાસિકેભિવાદેય્ય, પુચ્છેય્ય સયનાસનં.

૨૧૫. ગમિકો પટિસામેત્વા, દારુમત્તિકભણ્ડકં;

વિહારઞ્ચ થકેત્વાન, આપુચ્છ સયનાસનં.

૨૧૬. આપુચ્છિતબ્બે અસતિ, સંગોપેત્વાન સાધુકં;

પક્કમેય્યઞ્ઞથા તસ્સ, પક્કન્તું ન ચ કપ્પતિ.

૨૧૭. આવાસિકો પઞ્ઞાપેય્ય, વુડ્ઢાગન્તુસ્સ આસનં;

ઉપનિક્ખિપે પાદોદ-પ્પભુતિં પત્તચીવરં.

૨૧૮. પચ્ચુગ્ગન્ત્વાન ગણ્હેય્ય, પાનીયેન ચ પુચ્છયે;

આગન્તુકેભિવાદેય્ય, પઞ્ઞપે સયનાસનં.

૨૧૯. અજ્ઝાવુત્થમવુત્થં વા, ગોચરાગોચરં વદે;

વચ્ચપસ્સાવઠાનાનિ, કતિકં સેક્ખસમ્મુતિં.

૨૨૦. પવેસનિક્ખમે કાલં, પરિભોજિયપાનિયં;

નિસિન્નોવ નવકસ્સ, એતં સબ્બં સમુદ્દિસેતિ.