૨૪. અઞ્જનીનિદ્દેસો

અઞ્જનીતિ –

૧૮૨. વટ્ટાટ્ઠસોળસંસા વા, મટ્ઠા વટ્ટતિ અઞ્જની;

તિસ્સોપિ મૂલે ગીવાયં, લેખા એકાવ બન્ધિતું.

૧૮૩. યં કિઞ્ચિ રૂપં માલાદિકમ્મં મકરદન્તકં;

ગોમુત્તકડ્ઢચન્દાદિ-વિકારં નેત્થ વટ્ટતિ.

૧૮૪. લબ્ભેકવણ્ણસુત્તેન, સિબ્બિતું થવિકા તથા;

સિપાટિ કુઞ્ચિકાકોસો, સલાકાપિ અચિત્તકા.

૧૮૫. સઙ્ખનાભિવિસાણટ્ઠિ-નળદન્તમયા તથા;

ફલકટ્ઠમયા વેળુ-લાખાલોહમયાપિ ચ.

૧૮૬. અઞ્જનિયો સલાકાયો, ધૂમનેત્તા ચ લબ્ભરે;

તથા સત્થકદણ્ડાનિ, નત્થુદાના ચ તમ્મયાતિ.