૨૫. અકપ્પિયસયનનિદ્દેસો

અકપ્પિયસયનાનીતિ –

૧૮૭. આસન્દી તૂલી પલ્લઙ્કો, પટિકં ગોનચિત્તકં;

પટલી વિકતી ઉદ્દ-લોમી એકન્તલોમિકા.

૧૮૮. કુત્તં કોસેય્યં કટ્ટિસ્સં, હત્થિઅસ્સરથત્થરા;

જિનપ્પવેણિકદલી-મિગપ્પવરઅત્થરા.

૧૮૯. સલોહિતવિતાનઞ્ચુ-ભતોરત્તૂપધાનકં;

અકપ્પિયાનિ એતાનિ, દુક્કટં પરિભુઞ્જતો.

૧૯૦. આસન્દાદિત્તયા સેસે, લબ્ભતે ગિહિસન્તકે;

ધમ્માસને ચ ભત્તગ્ગે, ઘરે ચાપિ નિસીદિતું;

ભૂમત્થરણસઙ્ખેપે, સયિતુઞ્ચાપિ કપ્પતિ.

૧૯૧. ચતુરંસપીઠા સત્તઙ્ગા, પઞ્ચઙ્ગા ઉચ્ચપાદકા;

તૂલોનદ્ધા ઘરેયેવ, મઞ્ચપીઠા નિસીદિતું.

૧૯૨. ચોળવાકુણ્ણપણ્ણાનં, તિણાનઞ્ચેવ પૂરિતા;

ચીવરચ્છવિયો પઞ્ચ, ભિસી સબ્બત્થ કપ્પિયા.

૧૯૩. તૂલત્તયં ભિસિગબ્ભો, લોમાનિ મિગપક્ખિનં;

બિમ્બોહને અનુઞ્ઞાતં, તૂલવજ્જા મસૂરકે.

૧૯૪. મનુસ્સલોમમુણ્ણાયં, પણ્ણે પુપ્ફં તમાલકં;

સુદ્ધં ન આસનઞ્ચેવ, લબ્ભમપ્પટિવેક્ખિતન્તિ.