૪. અત્તકામસિક્ખાપદવણ્ણના

દુટ્ઠુલ્લોભાસને વુત્તપ્પકારાયાતિ દુટ્ઠુલ્લાદુટ્ઠુલ્લજાનનસમત્થાય. પરસ્સ ભિક્ખુનો અત્તકામપારિચરિયાય વણ્ણભણને દુક્કટં, ‘‘યો તે વિહારે વસતિ, તસ્સ અગ્ગદાનં મેથુનં ધમ્મં દેહી’’તિ પરિયાયવચનેપિ દુક્કટં, ‘‘અત્તકામપારિચરિયાય વણ્ણં ભાસેય્ય, યા માદિસં સીલવન્ત’’ન્તિ ચ વુત્તત્તાતિ એકે. પઞ્ચસુ અઙ્ગેસુ સબ્ભાવા સઙ્ઘાદિસેસોવાતિ એકે, વિચારેત્વા ગહેતબ્બં. ‘‘ઇમસ્મિં સિક્ખાપદદ્વયે કાયસંસગ્ગે વિય યક્ખિપેતીસુપિ દુટ્ઠુલ્લત્તકઆમવચને થુલ્લચ્ચયન્તિ વદન્તિ. અટ્ઠકથાસુ પન નાગત’’ન્તિ (વજિર. ટી. પારાજિક ૨૯૫) લિખિતં. ઉભતોબ્યઞ્જનકો પન પણ્ડકગતિકોવ.

અત્તકામસિક્ખાપદવણ્ણના નિટ્ઠિતા.