૭-૮. ઓક્ખિત્તચક્ખુસિક્ખાપદવણ્ણના

કિત્તકેન પન ઓક્ખિત્તચક્ખુ હોતીતિ આહ ‘‘યુગમત્તં ભૂમિભાગં પેક્ખમાનો’’તિ. યુગયુત્તકો હિ દન્તો આજાનેય્યો યુગમત્તં પેક્ખતિ, પુરતો ચતુહત્થપ્પમાણં ભૂમિભાગં, ઇમિનાપિ એત્તકં પેક્ખન્તેન ગન્તબ્બં. યો અનાદરિયં પટિચ્ચ તં તં દિસાભાગં પાસાદં કૂટાગારં વીથિં ઓલોકેન્તો ગચ્છતિ, આપત્તિ દુક્કટસ્સ. હત્થિઅસ્સાદિપરિસ્સયાભાવન્તિ પરિસ્સયનટ્ઠેન, અભિભવનટ્ઠેન, વિહેઠનટ્ઠેન વા પરિસ્સયો, હત્થિઅસ્સાદિયેવ પરિસ્સયો હત્થિઅસ્સાદિપરિસ્સયો, તસ્સાભાવં, હત્થિઅસ્સાદિ ઉપદ્દવાભાવન્તિ અત્થો. ‘‘યથા ચ એકસ્મિં ઠાને ઠત્વા, એવં ગચ્છન્તોપિ પરિસ્સયાભાવં ઓલોકેતું લભતિયેવ, તથા ગામે પૂજ’’ન્તિ (સારત્થ. ટી. પાચિત્તિય ૩.૫૮૨) વદન્તિ.

ઓક્ખિત્તચક્ખુસિક્ખાપદવણ્ણના નિટ્ઠિતા.