૯. સેનાવાસસિક્ખાપદવણ્ણના

નવમે તતો ચે ઉત્તરીતિ તિરત્તતો ઉત્તરિ ચતુત્થદિવસે અત્થઙ્ગતે સૂરિયે સેનાય તિટ્ઠતુ વા નિસીદતુ વા સયતુ વા, સચેપિ આકાસે ઇદ્ધિયા કઞ્ચિ ઇરિયાપથં કપ્પેતિ, પાચિત્તિયમેવ.

સાવત્થિયં છબ્બગ્ગિયે આરબ્ભ અતિરેકતિરત્તં સેનાય વસનવત્થુસ્મિં પઞ્ઞત્તં, સાધારણપઞ્ઞત્તિ, અનાણત્તિકં, તિકપાચિત્તિયં, ઊનકતિરત્તે અતિરેકસઞ્ઞિનો, વેમતિકસ્સ વા દુક્કટં. ઊનકસઞ્ઞિસ્સ, તતિયાય રત્તિયા પુરારુણા નિક્ખમિત્વા પુન વસતો, ગિલાનસ્સ વા ગિલાનકરણીયેન વા વસતો, પટિસેનારુદ્ધાય સેનાય, કેનચિ પલિબુદ્ધસ્સ, આપદાસુ, ઉમ્મત્તકાદીનઞ્ચ અનાપત્તિ. તિરત્તાતિક્કમો, સેનાય સૂરિયસ્સ અત્થઙ્ગમો, ગિલાનતાદીનં અભાવોતિ ઇમાનેત્થ તીણિ અઙ્ગાનિ. સમુટ્ઠાનાદીનિ એળકલોમસદિસાનેવાતિ.

સેનાવાસસિક્ખાપદવણ્ણના નિટ્ઠિતા.