૧૦. જીવિતિન્દ્રિયકથાવણ્ણના

૫૪૦. અરૂપજીવિતિન્દ્રિયન્તિપઞ્હે ‘‘અત્થિ અરૂપીનં ધમ્માનં આયૂ’’તિઆદિકં પઞ્હં અન્તં ગહેત્વા વદતિ. અરૂપધમ્માનં ચિત્તવિપ્પયુત્તં જીવિતિન્દ્રિયસન્તાનં નામ અત્થીતિ ઇચ્છતીતિ એત્થ રૂપારૂપધમ્માનં તં ઇચ્છન્તો અરૂપધમ્માનં ઇચ્છતીતિ વત્તું યુત્તોતિ ‘‘અરૂપધમ્માન’’ન્તિ વુત્તન્તિ દટ્ઠબ્બં.

૫૪૧. સત્તસન્તાને રૂપિનો વા ધમ્મા હોન્તૂતિઆદિનાપિ તમેવ જીવિતિન્દ્રિયસન્તાનં વદતીતિ વેદિતબ્બં.

૫૪૨. પુબ્બાપરભાગં સન્ધાયાતિ સમાપત્તિયા આસન્નભાવતો તદાપિ સમાપન્નોયેવાતિ અધિપ્પાયો.

૫૪૪-૫૪૫. દ્વે જીવિતિન્દ્રિયાનીતિ ‘‘પુચ્છા સકવાદિસ્સ, પટિઞ્ઞા ઇતરસ્સા’’તિ પુરિમપાઠો. ‘‘પુચ્છા પરવાદિસ્સ, પટિઞ્ઞા સકવાદિસ્સા’’તિ પચ્છિમપાઠો, સો યુત્તો.

જીવિતિન્દ્રિયકથાવણ્ણના નિટ્ઠિતા.