૨. અન્તરાભવકથાવણ્ણના

૫૦૫. અતિદૂરસ્સ અન્તરિતસ્સ પત્તબ્બસ્સ દેસસ્સ દસ્સનતો દિબ્બચક્ખુકો વિય. આકાસેન પથવન્તરટ્ઠાનાનિ ભિન્દિત્વા ગમનતો ઇદ્ધિમા વિય. ન સહધમ્મેનાતિ યદિ સો ભવાનં અન્તરા ન સિયા, ન નામ અન્તરાભવોતિ પટિક્ખેપે કરણં નત્થીતિ અધિપ્પાયો.

૫૦૬. તત્થ જાતિજરામરણાનિ ચેવ ચુતિપટિસન્ધિપરમ્પરઞ્ચ અનિચ્છન્તોતિ એતેન ચુતિઅનન્તરં અન્તરાભવં ખન્ધાતિ, વત્તમાના જાતીતિ, માતુકુચ્છિમેવ પવિટ્ઠા અન્તરધાયમાના મરણન્તિ ન ઇચ્છતિ.

૫૦૭. યથા કામભવાદીસુ તત્થ તત્થેવ પુનપ્પુનં ચવિત્વા ઉપપત્તિવસેન ચુતિપટિસન્ધિપરમ્પરા હોતિ, એવં તં તત્થ ન ઇચ્છતીતિ દસ્સેતિ.

અન્તરાભવકથાવણ્ણના નિટ્ઠિતા.