૪. વિમુચ્ચમાનકથાવણ્ણના

૩૬૬. ઝાનેન વિક્ખમ્ભનવિમુત્તિયા વિમુત્તં ચિત્તં મગ્ગક્ખણે સમુચ્છેદવિમુત્તિયા વિમુચ્ચમાનં નામ હોતીતિ એતિસ્સા લદ્ધિયા કો દોસોતિ વિચારેતબ્બં. યદિ વિપ્પકતનિદ્દેસે દોસો, તત્રાપિ તેન વિમુચ્ચમાનતાય ‘‘વિમુત્તં વિમુચ્ચમાન’’ન્તિ વુત્તં. સતિ ચ દોસે ઉપ્પાદક્ખણે વિમુત્તં, વયક્ખણે વિમુચ્ચમાનન્તિ વિમુત્તવિમુચ્ચમાનવચનસ્સ ન ચોદેતબ્બં સિયા, અથ ખો વિમુચ્ચમાનવચનમેવાતિ. એકદેસેન, એકદેસે વા વિમુચ્ચમાનસ્સ ચ વિમુત્તકિરિયાય એકદેસો વિસેસનં હોતીતિ ‘‘ભાવનપુંસક’’ન્તિ વુત્તં. કટાદયોતિ કટપટાદયો. એકેનેવ ચિત્તેનાતિ એકેનેવ ફલચિત્તેનાતિ અધિપ્પાયો.

વિમુચ્ચમાનકથાવણ્ણના નિટ્ઠિતા.