૧. સુદ્ધબ્રહ્મચરિયકથાવણ્ણના

૨૬૯. ‘‘પરનિમ્મિતવસવત્તિદેવે ઉપાદાય તદુપરી’’તિ વુત્તં, ‘‘તીહિ, ભિક્ખવે, ઠાનેહી’’તિ (અ. નિ. ૯.૨૧) પન સુત્તસ્સ વચનેન હેટ્ઠાપિ મગ્ગભાવનમ્પિ ન ઇચ્છન્તીતિ વિઞ્ઞાયતિ.

૨૭૦. ‘‘ગિહીનઞ્ચેવ એકચ્ચાનઞ્ચ દેવાનં મગ્ગપટિલાભં સન્ધાય પટિક્ખેપો તસ્સેવા’’તિ વુત્તં, ‘‘યત્થ નત્થી’’તિ પન ઓકાસવસેન પુટ્ઠો પુગ્ગલવસેન તસ્સ પટિક્ખેપો ન યુત્તો. યદિ ચ તસ્સાયં અધિપ્પાયો, સકવાદિના સમાનાધિપ્પાયત્તા ન નિગ્ગહેતબ્બો.

૨૭૧. એકન્તરિકપઞ્હાતિ પરવાદીસકવાદીનં અઞ્ઞમઞ્ઞં પઞ્હન્તરિકા પઞ્હા.

સુદ્ધબ્રહ્મચરિયકથાવણ્ણના નિટ્ઠિતા.