૧૦. પઞ્ઞત્તાનુયોગવણ્ણના

૬૧-૬૬. રૂપકાયાવિરહં સન્ધાય ‘‘રૂપકાયસબ્ભાવતો’’તિ આહ. ‘‘રૂપિનો વા અરૂપિનો વા’’તિ (ઇતિવુ. ૯૦) સુત્તે આગતપઞ્ઞત્તિં સન્ધાય ‘‘તથારૂપાય ચ પઞ્ઞત્તિયા અત્થિતાયા’’તિ. વીતરાગસબ્ભાવતોતિ કામીભાવસ્સ અનેકન્તિકત્તા કામધાતુયા આયત્તત્તાભાવતો ચ ‘‘કામી’’તિ ન વત્તબ્બોતિ પટિક્ખિપતીતિ અધિપ્પાયો.

૬૭. કાયાનુપસ્સનાયાતિ કારણવચનમેતં, કાયાનુપસ્સનાય કારણભૂતાય એવંલદ્ધિકત્તાતિ અત્થો. આહચ્ચ ભાસિતન્તિ ‘‘અઞ્ઞં જીવં અઞ્ઞં સરીરન્તિ અબ્યાકતમેતં મયા’’તિ (મ. નિ. ૨.૧૨૮) આહચ્ચ ભાસિતં.

પઞ્ઞત્તાનુયોગવણ્ણના નિટ્ઠિતા.