૪. ગાવીઉપમાસુત્તવણ્ણના

૩૫. ચતુત્થે પબ્બતચારિનીતિ પકતિયા પબ્બતે બહુલચારિની. અખેત્તઞ્ઞૂતિ (વિસુદ્ધિ. મહાટી. ૧.૭૭) અગોચરઞ્ઞૂ. સમાધિપરિપન્તાનં વિસોધનાનભિઞ્ઞતાય બાલો. ઝાનસ્સ પગુણભાવાપાદનવેય્યત્તિયસ્સ અભાવેન અબ્યત્તો. ઉપરિઝાનસ્સ પદટ્ઠાનભાવાનવબોધેન અખેત્તઞ્ઞૂ. સબ્બથાપિ સમાપત્તિકોસલ્લાભાવેન અકુસલો. સમાધિનિમિત્તસ્સ વા અનાસેવનાય બાલો. અભાવનાય અબ્યત્તો. અબહુલીકારેન અખેત્તઞ્ઞૂ. સમ્મદેવ અનધિટ્ઠાનતો અકુસલોતિ યોજેતબ્બં. ઉભતો ભટ્ઠોતિ ઉભયતો ઝાનતો ભટ્ઠો. સો હિ અપ્પગુણતાય ન સુપ્પતિટ્ઠિતતાય સઉસ્સાહોપિ વિનાસતો અસામત્થિયતો ચ ઝાનદ્વયતો પરિહીનો.

ગાવીઉપમાસુત્તવણ્ણના નિટ્ઠિતા.