૬. દુતિયસઞ્ઞાસુત્તવણ્ણના

૪૯. છટ્ઠે ન્હારુવિલેખનન્તિ ચમ્મં લિખન્તાનં ચમ્મં લિખિત્વા છડ્ડિતકસટં. ‘‘એસોહમસ્મી’’તિઆદિના અહંકરણં અહઙ્કારો. ‘‘એતં મમા’’તિ મમંકરણં મમઙ્કારો. તેનાહ ‘‘અહઙ્કારદિટ્ઠિતો’’તિઆદિ. તિસ્સો વિધાતિ સેય્યસદિસહીનવસેન તયો માના. ‘‘એકવિધેન રૂપસઙ્ગહો’’તિઆદીસુ (ધ. સ. ૫૮૪) કોટ્ઠાસો ‘‘વિધા’’તિ વુત્તો. ‘‘કથંવિધં સીલવન્તં વદન્તિ, કથંવિધં પઞ્ઞવન્તં વદન્તી’’તિઆદીસુ (સં. નિ. ૧.૯૫) પકારો. ‘‘તિસ્સો ઇમા, ભિક્ખવે, વિધા. કતમા તિસ્સો? સેય્યોહમસ્મીતિ વિધા’’તિ (વિભ. ૯૨૦) એત્થ માનો ‘‘વિધા’’તિ વુત્તો. ઇધાપિ માનોવ અધિપ્પેતો. માનો હિ વિદહનતો હીનાદિવસેન તિવિધા. તેનાકારેન દહનતો ઉપદહનતો ‘‘વિધા’’તિ વુચ્ચતિ.

દુતિયસઞ્ઞાસુત્તવણ્ણના નિટ્ઠિતા.