૭-૧૧. સઞ્ઞાસુત્તાદિવણ્ણના

૨૭-૩૧. સત્તમે અનિચ્ચાતિ અનુપસ્સતિ એતાયાતિ અનિચ્ચાનુપસ્સના. તથાપવત્તવિપસ્સના પન યસ્મા અત્તના સહગતસઞ્ઞાય ભાવિતાય ભાવિતા એવ હોતિ, તસ્મા વુત્તં ‘‘અનિચ્ચાનુપસ્સનાદીહિ સહગતસઞ્ઞા’’તિ. ઇમા સત્ત લોકિયવિપસ્સનાપિ હોન્તિ ‘‘અનિચ્ચ’’ન્તિઆદિના પવત્તનતો. ‘‘એતં સન્તં એતં પણીતં યદિદં સબ્બસઙ્ખારસમથો’’તિ આગતવસેન પનેત્થ દ્વે લોકુત્તરા હોન્તીતિ વેદિતબ્બા. ‘‘વિરાગો નિરોધો’’તિ હિ તત્થ નિબ્બાનં વુત્તન્તિ ઇધ વિરાગસઞ્ઞા, તા વુત્તસઞ્ઞા નિબ્બાનારમ્મણાપિ સિયું. સેસમેત્થ સુવિઞ્ઞેય્યમેવ. અટ્ઠમાદીનિ ઉત્તાનત્થાનેવ.

સઞ્ઞાસુત્તાદિવણ્ણના નિટ્ઠિતા.

વજ્જિસત્તકવગ્ગવણ્ણના નિટ્ઠિતા.