૩. ઇટ્ઠસુત્તવણ્ણના

૪૩. તતિયે અપ્પમાદં પસંસન્તીતિ ‘‘એતાનિ આયુઆદીનિ પત્થયન્તેન અપ્પમાદો કાતબ્બો’’તિ અપ્પમાદમેવ પસંસન્તિ પણ્ડિતા. યસ્મા વા પુઞ્ઞકિરિયાસુ પણ્ડિતા અપ્પમાદં પસંસન્તિ, તસ્મા આયુઆદીનિ પત્થયન્તેન અપ્પમાદોવ કાતબ્બોતિ અત્થો. પુરિમસ્મિં અત્થવિકપ્પે ‘‘પુઞ્ઞકિરિયાસૂ’’તિ પદસ્સ ‘‘અપ્પમત્તો’’તિ ઇમિના સમ્બન્ધો. યસ્મા પણ્ડિતા અપ્પમાદં પસંસન્તિ, યસ્મા ચ પુઞ્ઞકિરિયાસુ અપ્પમત્તો ઉભો અત્થે અધિગતો હોતિ, તસ્મા આયુઆદીનિ પત્થયન્તેન અપ્પમાદોવ કાતબ્બો. દુતિયસ્મિં અત્થવિકપ્પે પણ્ડિતા અપ્પમાદં પસંસન્તિ. કત્થાતિ? પુઞ્ઞકિરિયાસુ. કસ્માતિ ચે? યસ્મા અપ્પમત્તો ઉભો અત્થે અધિગ્ગણ્હાતિ પણ્ડિતો, તસ્માતિ અત્થો. અત્થપ્પટિલાભેનાતિ દિટ્ઠધમ્મિકાદિહિતપ્પટિલાભેન.

ઇટ્ઠસુત્તવણ્ણના નિટ્ઠિતા.