૯-૧૦. ગીતસ્સરસુત્તાદિવણ્ણના

૨૦૯-૨૧૦. નવમે આયતકો નામ ગીતસ્સરો તં તં વત્તં ભિન્દિત્વા અક્ખરાનિ વિનાસેત્વા પવત્તોતિ આહ ‘‘આયતકેના’’તિઆદિ. ધમ્મેહિ સુત્તવત્તં નામ અત્થિ, ગાથાવત્તં નામ અત્થિ, તં વિનાસેત્વા અતિદીઘં કાતું ન વટ્ટતિ. ધમ્મઞ્હિ ભાસન્તેન ચતુરસ્સેન વત્તેન પરિમણ્ડલાનિ પદબ્યઞ્જનાનિ દસ્સેતબ્બાનિ. ‘‘અનુજાનામિ, ભિક્ખવે, સરભઞ્ઞ’’ન્તિ (ચૂળવ. ૨૪૯) ચ વચનતો સરેન ધમ્મં ભણિતું વટ્ટતિ. સરભઞ્ઞે કિર તરઙ્ગવત્તધોતકવત્તભાગગ્ગહકવત્તાદીનિ દ્વત્તિંસ વત્તાનિ અત્થિ. તેસુ યં ઇચ્છતિ, તં કાતું લભતીતિ. દસમે નત્થિ વત્તબ્બં.

ગીતસ્સરસુત્તાદિવણ્ણના નિટ્ઠિતા.

કિમિલવગ્ગવણ્ણના નિટ્ઠિતા.