૨-૬. વિત્થતસુત્તાદિવણ્ણના

૨-૬. દુતિયે હિરીયતીતિ લજ્જતિ વિરજ્જતિ. યસ્મા હિરી પાપજિગુચ્છનલક્ખણા, તસ્મા ‘‘જિગુચ્છતીતિ અત્થો’’તિ વુત્તં. ઓત્તપ્પતીતિ ઉત્રસતિ. પાપુત્રાસલક્ખણઞ્હિ ઓત્તપ્પં.

પગ્ગહિતવીરિયોતિ સઙ્કોચં અનાપન્નવીરિયો. તેનાહ ‘‘અનોસક્કિતમાનસો’’તિ. પહાનત્થાયાતિ સમુચ્છિન્નત્થાય. કુસલાનં ધમ્માનં ઉપસમ્પદા નામ સમધિગમો એવાતિ આહ ‘‘પટિલાભત્થાયા’’તિ.

ગતિઅત્થા ધાતુસદ્દા બુદ્ધિઅત્થા હોન્તીતિ આહ ‘‘ઉદયઞ્ચ વયઞ્ચ પટિવિજ્ઝિતું સમત્થાયા’’તિ. મિસ્સકનયેનાયં દેસના ગતાતિ આહ ‘‘વિક્ખમ્ભનવસેન ચ સમુચ્છેદવસેન ચા’’તિ. તેનાહ ‘‘વિપસ્સનાપઞ્ઞાય ચેવ મગ્ગપઞ્ઞાય ચા’’તિ. વિપસ્સનાપઞ્ઞાય વિક્ખમ્ભનકિરિયતો સા ચ ખો પદેસિકાતિ નિપ્પદેસિકં કત્વા દસ્સેતું ‘‘મગ્ગપઞ્ઞાય પટિલાભસંવત્તનતો’’તિ વુત્તં. દુક્ખક્ખયગામિનિભાવેપિ એસેવ નયો. સમ્માતિ યાથાવતો. અકુપ્પધમ્મતાય હિ મગ્ગપઞ્ઞાય ખેપિતં ખેપિતમેવ, નાસ્સ પુન ખેપનકિચ્ચં અત્થીતિ ઉપાયેન ઞાયેન સા પવત્તતીતિ આહ ‘‘હેતુના નયેના’’તિ. તતિયાદીસુ નત્થિ વત્તબ્બં.

વિત્થતસુત્તાદિવણ્ણના નિટ્ઠિતા.