૮. થેરસુત્તવણ્ણના

૮૮. અટ્ઠમે થિરભાવપ્પત્તોતિ સાસને થિરભાવં અનિવત્તિભાવં પત્થો. પબ્બજિતો હુત્વા બહૂ રત્તિયો જાનાતીતિ રત્તઞ્ઞૂ. તેનાહ ‘‘પબ્બજિતદિવસતો પટ્ઠાયા’’તિઆદિ. પાકટોતિ અયથાભૂતગુણેહિ ચેવ યથાભૂતગુણેહિ ચ સમુગ્ગતો. યસો એતસ્સ અત્થીતિ યસસ્સી, યસં સિતો નિસ્સિતો વા યસસ્સી. તેનાહ ‘‘યસનિસ્સિતો’’તિ. અસતં અસાધૂનં ધમ્મા અસદ્ધમ્મા, અસન્તા વા અસુન્દરા ગારય્હા લામકા ધમ્માતિ અસદ્ધમ્મા. વિપરિયાયેન સદ્ધમ્મા વેદિતબ્બા.

થેરસુત્તવણ્ણના નિટ્ઠિતા.