૩-૯. સોણકાયનસુત્તાદિવણ્ણના

૨૩૪-૨૪૦. તતિયે પુરિમાનિ, ભન્તે, દિવસાનિ પુરિમતરાનીતિ એત્થ હિય્યો દિવસં પુરિમં નામ, તતો પરં પુરિમતરન્તિ આહ ‘‘અતીતાનન્તરદિવસતો પટ્ઠાયા’’તિઆદિ. ઇતિ ઇમેસુ દ્વીસુ પવત્તિતો યથાક્કમં પુરિમપુરિમતરભાવો દસ્સિતો. એવં સન્તેપિ યદેત્થ ‘‘પુરિમતર’’ન્તિ વુત્તં, તતો પભુતિ યં યં ઓરં, તં તં પુરિમં. યં યં પરં, તં તં પુરિમતરં ઓરપારભાવસ્સ વિય પુરિમતરભાવસ્સ ચ અપેક્ખાસિદ્ધત્તા. સેસં વુત્તનયમેવ. ચતુત્થાદીનિ ઉત્તાનત્થાનેવ.

સોણકાયનસુત્તાદિવણ્ણના નિટ્ઠિતા.