૪. અભયસુત્તવણ્ણના

૧૮૪. ચતુત્થે સોચતીતિ ચિત્તે ઉપ્પન્નબલવસોકેન સોચતિ, ચિત્તસન્તાપેન અન્તો નિજ્ઝાયતીતિ અત્થો. કિલમતીતિ તસ્સેવ સોકસ્સ વસેન કાયે ચ ઉપ્પન્નદુક્ખેન કિલમતિ. પરિદેવતીતિ સોકુદ્દેહકવસેન તં તં વિપ્પલપન્તો વાચાય પરિદેવતિ. ઉરત્તાળિન્તિ ઉરત્તાળં, ઉરં તાળેત્વાતિ અત્થો. તેનાહ ‘‘ઉરં તાળેત્વા’’તિ. કઙ્ખાવિચિકિચ્છાતિ એત્થ ‘‘એકમેવિદં પઞ્ચમં નીવરણં. કિં નુ ખો ઇદ’’ન્તિ આરમ્મણં કઙ્ખનતો કઙ્ખા, ‘‘ઇદમેવ વર’’ન્તિ નિચ્છેતું અસમત્થભાવતો ‘‘વિચિકિચ્છા’’તિ વુચ્ચતિ – ‘‘ધમ્મસભાવં વિચિનન્તો કિચ્છતિ, વિગતા ચિકિચ્છા’’તિ વા કત્વા.

અભયસુત્તવણ્ણના નિટ્ઠિતા.