૪. ઉદકરહદસુત્તવણ્ણના

૧૦૪. ચતુત્થે ઉદકરહદો જણ્ણુકમત્તેપિ ઉદકે સતિ પણ્ણરસસમ્ભિન્નવણ્ણત્તા વા બહલત્તા વા ઉદકસ્સ અપઞ્ઞાયમાનતલો ઉત્તાનો ગમ્ભીરોભાસો નામ હોતીતિ આહ ‘‘પુરાણપણ્ણરસ…પે… ગમ્ભીરોભાસો નામા’’તિ. તિપોરિસચતુપોરિસે પન ઉદકે સતિ અચ્છત્તા ઉદકસ્સ પઞ્ઞાયમાનતલો ગમ્ભીરો ઉત્તાનોભાસો નામ હોતીતિ આહ ‘‘અચ્છવિપ્પસન્નમણિવણ્ણઉદકો ઉત્તાનોભાસો નામા’’તિ. ઉભયકારણસમ્ભવતો પન ઇતરે દ્વે વેદિતબ્બા. પુગ્ગલેપિ કિલેસુસ્સદભાવતો ગુણગમ્ભીરતાય ચ અભાવતો ગુણગમ્ભીરાનં સદિસેહિ અભિક્કમનાદીહિ યુત્તો ઉત્તાનો ગમ્ભીરોભાસો નામ. ઇમિના નયેન સેસા વેદિતબ્બા.

ઉદકરહદસુત્તવણ્ણના નિટ્ઠિતા.