૩. અત્થવસસુત્તવણ્ણના

૪૩. તતિયે અત્થો નામ ફલં, તં એતસ્સ વસોતિ અત્થવસો. હેતુ, અત્થો એતસ્સ અત્થીતિ અત્થો, સો એવાતિ આહ ‘‘તયો અત્થે તીણિ કારણાની’’તિ. ધમ્મદેસના નામ ઉક્કટ્ઠનિદ્દેસેન ચતુન્નં અરિયસચ્ચાનં પકાસનાતિ આહ ‘‘ચતુસચ્ચધમ્મં પકાસેતી’’તિ. અટ્ઠકથં ઞાણેન પટિસંવેદીતિ પાળિપદાનં અત્થં વિવરણઞાણેન પટિ પટિ સંવેદનસીલો ‘‘અયં ઇમસ્સ ભાસિતસ્સ અત્થો’’તિ. એતેન અત્થપટિસમ્ભિદાબ્યાપારમાહ. પાળિધમ્મં પટિસંવેદીતિ પાળિગતિં પાળિં પદવિવરણં પટિ પટિ સંવેદનસીલો. એતેન ધમ્મપટિસમ્ભિદાબ્યાપારમાહ.

અત્થવસસુત્તવણ્ણના નિટ્ઠિતા.