૧૧. મહાચોરસુત્તવણ્ણના

૫૧. એકાદસમે મહાબલવચોરો મહાચોરોતિ આહ ‘‘મહન્તો બલવચોરો’’તિ. બલવચોરોતિ ચ મહાથામતાય મહાપરિવારતાય મહાચોરિયકમ્મસમત્થતાય ચ વેદિતબ્બો. મહતં ગામનિગમાનં વિલુપ્પનં મહાવિલોપો. તં તં કારણં પક્ખિપિત્વાતિ તં તં અકરણમેવ કારણં કત્વા તપ્પટિબદ્ધાય કથાય પક્ખિપિત્વા. અત્થં કથયિસ્સન્તીતિ તસ્સ તસ્સ અત્થઞ્ચ કથયિસ્સન્તિ. હરન્તાતિ અપનેન્તા પરિહરન્તા. દસવત્થુકાયાતિ ‘‘સસ્સતો લોકો’’તિ (મ. નિ. ૧.૨૬૯) આદિદસવત્થુસન્નિસ્સિતાય. અન્તં ગહેત્વા ઠિતદિટ્ઠિયાતિ તમેવ સસ્સતાદિઅન્તં ગહેત્વા અવિસ્સજ્જેત્વા ઠિતદિટ્ઠિયા.

મહાચોરસુત્તવણ્ણના નિટ્ઠિતા.

ચૂળવગ્ગવણ્ણના નિટ્ઠિતા.

પઠમપણ્ણાસકં નિટ્ઠિતં.