૭. જિગુચ્છિતબ્બસુત્તવણ્ણના

૨૭. સત્તમે અબ્ભુગ્ગચ્છતીતિ એત્થ અભિ-સદ્દાપેક્ખાય ‘‘ન’’ન્તિ સામિઅત્થે ઉપયોગવચનન્તિ આહ ‘‘અસ્સા’’તિ ‘‘તં ખો પન ભવન્ત’’ન્તિઆદીસુ વિય. પાપકો કિત્તિસદ્દોતિ લામકભાવેન કથેતબ્બસદ્દો. ગૂથકૂપો વિય દુસ્સીલ્યન્તિ એતેન દુસ્સીલસ્સ ગૂથસદિસત્તમેવ દસ્સેતિ. વચનન્તિ અનિટ્ઠવચનં. પુરિમનયેનેવાતિ ‘‘ગૂથકૂપો વિય દુસ્સીલ્ય’’ન્તિઆદિના પુબ્બે વુત્તનયેન. સુચિમિત્તોતિ સીલાચારસુદ્ધિયા સુચિમિત્તો. સહ અયન્તિ પવત્તન્તીતિ સહાયાતિ આહ ‘‘સહગામિનો’’તિ.

જિગુચ્છિતબ્બસુત્તવણ્ણના નિટ્ઠિતા.