૧. સમિદ્ધસુત્તવણ્ણના

૨૧. તતિયસ્સ પઠમે રુચ્ચતીતિ કાયસક્ખિઆદીસુ પુગ્ગલેસુ અતિવિય સુન્દરતરપણીતતરભાવેન તે ચિત્તસ્સ અભિરુચિઉપ્પાદકો કતમોતિ પુચ્છતિ. સદ્ધિન્દ્રિયં ધુરં અહોસિ સદ્ધાધુરં મગ્ગવુટ્ઠાનન્તિ કત્વા, સેસિન્દ્રિયાનિ પન કથન્તિ આહ ‘‘સેસાની’’તિઆદિ. પટિવિદ્ધમગ્ગોવાતિ તીહિપિ થેરેહિ અત્તનો અત્તનો પટિવિદ્ધઅરહત્તમગ્ગો એવ કથિતો, તસ્મા ન સુકરં એકંસેન બ્યાકાતું ‘‘અયં…પે… પણીતતરો ચા’’તિ. ભુમ્મન્તરેનેવ કથેસિ ‘‘તીસુપિ પુગ્ગલેસુ અગ્ગમગ્ગટ્ઠોવ પણીતતરો’’તિ.

સમિદ્ધસુત્તવણ્ણના નિટ્ઠિતા.