૪. આનેઞ્જસુત્તવણ્ણના

૧૧૭. ચતુત્થે સહ બ્યયતિ ગચ્છતીતિ સહબ્યો, સહપવત્તનકો. તસ્સ ભાવો સહબ્યતા, સહપવત્તીતિ આહ ‘‘સહભાવં ઉપપજ્જતી’’તિ. ‘‘યાવતકં તેસં દેવાનં આયુપ્પમાણં, તં સબ્બં ખેપેત્વા નિરયમ્પિ ગચ્છતી’’તિઆદિવચનતો અરૂપભવતો ચુતસ્સ અપાયૂપપત્તિ વુત્તા વિય દિસ્સતીતિ તન્નિવત્તનત્થં ભગવતો અધિપ્પાયં વિવરન્તો ‘‘સન્ધાયભાસિતમિદં વચન’’ન્તિ દીપેતિ ‘‘નિરયાદીહિ અવિપ્પમુત્તત્તા’’તિઆદિના. ન હિ તસ્સ ઉપચારજ્ઝાનતો બલવતરં અકુસલં અત્થીતિ. ઇમિના તતો ચવન્તાનં ઉપચારજ્ઝાનમેવ પટિસન્ધિજનકં કમ્મન્તિ દીપેતિ. અધિકં પયસતિ પયુજ્જતિ એતેનાતિ અધિપ્પયાસો, સવિસેસં ઇતિકત્તબ્બકિરિયા. તેનાહ ‘‘અધિકપ્પયોગો’’તિ. સેસમેત્થ ઉત્તાનમેવ.

આનેઞ્જસુત્તવણ્ણના નિટ્ઠિતા.