૩. તપનીયસુત્તવણ્ણના

૩. તતિયે તપનીયાતિ એત્થ કત્તુઅત્થે અનીય-સદ્દોતિ આહ ‘‘તપન્તીતિ તપનીયા’’તિ. તપન્તીતિ વિબાધેન્તિ, વિહેઠેન્તીતિ અત્થો. તપનં વા દુક્ખં, દિટ્ઠે ચેવ ધમ્મે અભિસમ્પરાયઞ્ચ તસ્સ ઉપ્પાદનેન ચેવ અનુબલપ્પદાનેન ચ હિતાતિ તપનીયા. અથ વા તપન્તિ તેનાતિ તપનં, અનુતાપો, વિપ્પટિસારોતિ અત્થો. તસ્સ હેતુભાવતો હિતાતિ તપનીયા. અનુસોચતીતિ વિપ્પટિસારી હુત્વા કતાકતં અનુગમ્મ સોચતિ. સોચનઞ્હિ કતત્તા ચ હોતિ અકતત્તા ચ. તથા ચેવ પાળિયં વિભત્તં. નન્દયક્ખાદીનં વત્થૂનિ પાકટાનીતિ તાનિ અદસ્સેત્વા દ્વેભાતિકવત્થું દસ્સેન્તો ‘‘તે કિરા’’તિ આદિમાહ. તત્થ તેતિ દ્વે ભાતરો. પુન કિં મગ્ગસીતિ પુન કિં ઇચ્છસિ.

તપનીયસુત્તવણ્ણના નિટ્ઠિતા.