૧૫. રાસિસઙ્ગહકથા

૫૧૩. તેત્તિંસ ચેવ દ્વત્તિંસ, એકતિંસ ચ તિંસ ચ;

એકદ્વત્તિંસહીના ચ, તિંસ ધમ્માનવજ્જકે.

૫૧૪. દસ ધમ્મા તુ સાવજ્જે, છપઞ્ચચતુરાધિકા;

એકાદસ દસ નવ, સત્તધાહેતુકે પન.

૫૧૫. ઇત્થં ચુદ્દસધા ભિન્ના, કોટ્ઠાસા તુ સરૂપતો;

વિભત્તા તેહિ યુત્તા ચ, ચિત્તુપ્પાદા યથાક્કમં.

૫૧૬. તિકટ્ઠકા પઞ્ચવીસ, દસ પઞ્ચાધિકા નવ;

અટ્ઠારસેતિ સત્તેતે, અનવજ્જા તથેતરે.

૫૧૭. દ્વે ચત્તારો છળેકં દ્વે,

પઞ્ચાથ દસધાપરે;

સાવજ્જાહેતુકા ચેતિ,

કોટ્ઠાસા હોન્તિ ચુદ્દસ.

૫૧૮. નવ ચાપિ છ ચત્તારો, ચતુપઞ્ચછસત્તકા;

નવ દ્વે દ્વે તથેકો ચ, યેવાપનકસઙ્ગહા.

૫૧૯. તેહિ યુત્તા પનટ્ઠાથ, વીસેકતિંસ માનસા;

દ્વે દ્વે દ્વે તીણિ ચેકં દ્વે, અટ્ઠ દસ યથાક્કમં.

૫૨૦. સત્તતિંસકતો યાવ, એકતિંસાનવજ્જકે;

તિકટ્ઠકાદિકે સત્ત, ઠિતા નિયતસઙ્ગહા.

૫૨૧. પાપેસુ વીસ ચેકૂન-વીસટ્ઠારસ સોળસ;

ચતુધા દ્વીસુ ચતૂસુ, ચતૂસુ દ્વીસુ ચટ્ઠિતા.

૫૨૨. એકદ્વિપઞ્ચદસસુ, ચ દ્વિધાહેતુકેસુ ચ;

તિકદ્વેકાધિકા ધમ્મા, દસટ્ઠ ચ યથાક્કમં.

૫૨૩. પઞ્ચદ્વેકદ્વિભિપઞ્ચ, કોટ્ઠાસા નિયતા ઠિતા;

તેહિ યુત્તા પનટ્ઠાથ, વીસ દ્વે દ્વે તિકેકકા.

૫૨૪. પુબ્બાપરદ્વયાપુઞ્ઞે, કામપાકે અહેતુકે;

પઞ્ચમાનુત્તરારુપ્પે, નત્થાનિયતસમ્ભવો.

૫૨૫. છત્તિંસમાનસેસ્વેવ, લબ્ભન્તાનિયતા ન વા;

તેપઞ્ઞાસાવસેસા તુ, સબ્બે નિયતયોગિનો.

૫૨૬. નિયતાનિયતે કત્વા, લબ્ભન્તોભયથા તથા;

સરૂપયેવોભયકા, તિવિધેવં તુ સઙ્ગહા.

૫૨૭. ઞેય્યા વુત્તાનુસારેન, તેહિ યુત્તાવ માનસા;

તતો પુન વિભાવેય્ય, સબ્બસઙ્ગાહિકં નયં.

૫૨૮. એકૂનતાલીસકતો, યાવેકત્તિંસકા ઠિતા;

નવધા અનવજ્જેસુ, તેહિ યુત્તા ચ માનસા.

૫૨૯. દ્વે ચત્તારો દસેવાથ, તિકપઞ્ચાધિકા દસ;

તેવીસ કમતો સત્ત, દ્વે ચ પઞ્ચદસાપરે.

૫૩૦. દ્વે ચ દ્વે તિકદ્વે દ્વેકા, સાવજ્જેસુ ચ સોળસ;

એકૂનવીસ વીસાથ, વીસેકદ્વિતયાધિકા.

૫૩૧. અહેતુકે પનટ્ઠાથ, દસેકદ્વિતયાધિકા;

દસપઞ્ચ દ્વિકેકાતિ, ભવન્તેકૂનવીસતિ.

૫૩૨. લબ્ભમાનાનુસારેન, ધમ્માનં પન સઙ્ગહો;

સક્કા વુત્તનયેનેવ, વિઞ્ઞાતું પન વિઞ્ઞુનાતિ.

ઇતિ ચેતસિકવિભાગે રાસિસઙ્ગહકથા નિટ્ઠિતા.

પન્નરસમો પરિચ્છેદો.