૧૦. મિચ્છાદિટ્ઠિપહાનસુત્તં

૧૬૫. અથ ખો અઞ્ઞતરો ભિક્ખુ યેન ભગવા તેનુપસઙ્કમિ…પે… એકમન્તં નિસિન્નો સો ભિક્ખુ ભગવન્તં એતદવોચ – ‘‘કથં નુ ખો, ભન્તે, જાનતો કથં પસ્સતો મિચ્છાદિટ્ઠિ પહીયતી’’તિ?

‘‘ચક્ખું ખો, ભિક્ખુ, અનિચ્ચતો જાનતો પસ્સતો મિચ્છાદિટ્ઠિ પહીયતિ. રૂપે અનિચ્ચતો જાનતો પસ્સતો મિચ્છાદિટ્ઠિ પહીયતિ. ચક્ખુવિઞ્ઞાણં અનિચ્ચતો જાનતો પસ્સતો મિચ્છાદિટ્ઠિ પહીયતિ. ચક્ખુસમ્ફસ્સં અનિચ્ચતો જાનતો પસ્સતો મિચ્છાદિટ્ઠિ પહીયતિ…પે… યમ્પિદં મનોસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ અનિચ્ચતો જાનતો પસ્સતો મિચ્છાદિટ્ઠિ પહીયતિ. એવં ખો, ભિક્ખુ, જાનતો એવં પસ્સતો મિચ્છાદિટ્ઠિ પહીયતી’’તિ. દસમં.